辛安東元祖奶奶雞 (Closed)

今日係荃灣收工，不過因為太夜唔想買菜，所以決定同屋企人出去食，行行下見到辛安東元祖奶奶雞唔使排隊，咁就一於食呢間啦！平日7點到，入去都仲有好多位，但8點打後就多人。上次飲完清酒溝汽水就愛上，今次再點，甜甜地都易清新。辛安東元祖奶奶雞是招牌菜式，今次點半隻雞及小辣，入口其實都幾辣下，不過食食下又OKAY。重點係雞肉非常滑溜，而且入味，自己屋企好難有咁多時間燉煮到相同效果。仲有，配菜都非常惹味，吸收全部醬汁精華，好味！我最喜歡烤鰻魚，完全不會有泥味，肉質結實彈牙，食落啖啖肉。真露煮蜆，一般般，無咩味道。用柚子蜜煮雞翼，無諗過甜甜地的醬汁包住巨型雞翼會咁好味。老公最喜歡的牛助骨鍋，煮得非常入味，但絕對不會太鹹，嫩口的牛肉配上清新蔬菜，好味！