Video
Read full review
2022-03-09
508 views
當發現有樣野要寫到好長，小編拖延症既毛病又黎啦😂 其實去左staycation一段時間，但宜家先下定決心整理，即使食既野唔同左，但質素應該差唔多，所以就照寫比大家參考下😜 呢次我喺kkday訂既，個package包下午茶☕️、晚餐🍴、同埋第二朝既半自助早餐，仲有其他設施，亦可以周圍打下卡📷，覺得幾抵👍🏻 因為有好多detail，就由第一餐既tea set 開始寫起啦～ 當時有兩個set，送既係普通嗰個set，質素都唔錯，外表精緻～(5 😍 係滿分，🤩係半分)Raisin scone & plain scone served with strawberry jam & clotted cream 🍇🍪🍓🍨 (好味指數：😍😍😍😍)口感鬆軟，底部微焦脆身，濕潤度岩岩好，唔會痴牙亦唔會乾，不過稍為硬左啲，另外牛油味🧈可以再出啲，同埋個顏色再金黃啲就更加好，至於有提子乾🍇既口感一樣，分佈平均，甜甜地都唔錯～ 士多啤梨🍓jam同平時食開既差唔多，酸酸甜甜，如果果香再出啲或者再多啲野做點綴就會特別啲～ 而奶油忌廉軟滑，有淡淡既奶香🥛，香味都可以再出啲Earl grey chocolate macaro
(5 😍 係滿分，🤩係半分)
The Murray Afternoon Tea
22 views
0 likes
0 comments
Raisin scone & plain scone served with strawberry jam & clotted cream 🍇🍪🍓🍨 (好味指數：😍😍😍😍)
口感鬆軟，底部微焦脆身，濕潤度岩岩好，唔會痴牙亦唔會乾，不過稍為硬左啲，另外牛油味🧈可以再出啲，同埋個顏色再金黃啲就更加好，至於有提子乾🍇既口感一樣，分佈平均，甜甜地都唔錯～ 士多啤梨🍓jam同平時食開既差唔多，酸酸甜甜，如果果香再出啲或者再多啲野做點綴就會特別啲～ 而奶油忌廉軟滑，有淡淡既奶香🥛，香味都可以再出啲
17 views
0 likes
0 comments
Earl grey chocolate macaron ☕️🍫🟤 (好味指數：😍😍😍😍🤩)
第一次食伯爵茶☕️mix朱古力🍫味既macaroon🟤，有幾馥郁既茶香，令到個味道清新啲，配埋香濃既朱古力🍫幾夾～ 杏仁粉同糖整成既外殼酥脆，裡面軟糯綿密，不過就略嫌甜左啲，不過已經無出面既macaroon咁甜，呢個係macaroon既特色😂
Strawberry cheesecake 🍓🧀🍰 (好味指數：😍😍😍🤩)
呢個味道酸酸甜甜，有士多啤梨🍓既清香，口感綿密幼滑，帶有淡淡既芝士香味同酸味，不過有啲平時士多啤梨奶🍓🥛既味道，但比較常見，無話用左特別品種既士多啤梨🍓，亦無話mix埋一啲特別配料去昇華個味道，奶香🥛、芝士🧀既鹹香同酸味都唔夠突出，所以唔太有驚喜同記憶點～
Lemon shortbread dome 🍋🧈🥧 (好味指數：😍😍😍😍)
呢個係一塊拱形既檸檬牛油酥餅🍋🧈🥧，外表幾精緻～ 有好多人都分唔到牛油曲奇🧈🍪同牛油酥餅🧈🥧，牛油曲奇既牛油成分🧈大約係25%，香味淡啲亦無咁綿密細緻，而牛油酥餅既牛油含量🧈通常有超過一半，配以慢火烘焙，咁就保留到部分水分💧，口感香脆鬆化又唔會乾～ 而有檸檬🍋就中和左嗰種飽濟既感覺，香味清新自然，唔會話靠人工香精，味道酸酸甜甜又唔會過酸，幾開胃～ 不過就唔係幾特別
Vanilla choux (好味指數：😍😍😍😍)
外表有啲似迷你既菠蘿包，應該係烘烤前放左一層薄薄既酥皮喺上面，另外上面有一塊薄薄既白朱古力片🍫，個樣幾靚🤩 形狀幾靚，邊緣乾淨無凸出同尖角，口感香酥鬆脆，裡面口感濕潤帶啲煙韌，裡面既cream綿密順滑，帶有vanilla既清香又唔會好甜，不過單純用vanilla就寡左啲
Raspberry tart 🍓🥧 (好味指數：😍😍😍😍🤩)
估唔到呢個幾surprise，個餡口感軟滑creamy，上面仲有大大粒既紅莓🍓，整體酸酸甜甜，清新芳香，唔會有藥水味～ 配埋有牛油香味🧈幾香脆既撻皮🥧，攞叉整開既時候唔會碎晒，感覺唔錯，係幾好解膩甜品～
Bacon & onion quiche 🥓🧅🥧 (好味指數：😍😍😍😍🤩)
喺法式🇫🇷鹹批🥧係叫做quiche而唔係pie，雖然都係pie既一種～ 傳統既quiche🥧餡只係用煙肉🥓同蛋奶液 (鮮忌廉🥛同雞蛋🥚既混合)，跟住加埋鹽🧂、胡椒同肉豆蔻，再包住香口既煙肉🥓，蛋奶液體🥚🥛令餡料鬆軟細嫩，食落有啲似蛋糕🍰幾質感，而今次加埋洋蔥🧅，有天然既甜味，配埋焗到融化左已經金黃酥脆既芝士🧀，整體香口惹味，今次外皮係用酥皮，有牛油🧈香味之餘又幾金黃酥脆
Spinach quiche 🥬🥧 (好味指數：😍😍😍😍)
呢到既quiche同上面講既一樣係法式🇫🇷鹹批🥧，外表差唔多，不過今次蛋奶液🥚🥛配既係嫩滑、味道天然回甘既菠菜🥬，同埋焗到金黃酥脆既芝士🧀，幾軟滑creamy，外皮一樣係用幾金黃酥脆既酥皮，不過味道上如果可以加啲肉類或者海鮮去加多啲鹹香同層次就會再好食啲～
Smoked salmon sandwich with cream cheese & spring onion 🍣🧀🧅🥪 (好味指數：😍😍😍😍)
煙三文魚🍣肥美，有煙燻既香味同獨有既鹹香，如果可以再肥美啲更加好～ 宜家再配埋香濃軟滑既cream cheese🧀，口感更加creamy，另外仲有少少蔥就再香口啲，但唔會搶左其他食材既味道~ 而麵包🍞濕潤軟熟，不過呢個配搭既印象唔太深刻
Egg salad & lettuce sandwich 🥚🥗🥪 (好味指數：😍😍😍🤩)
呢個既包🍞係黃色既，襯翻蛋沙律🥚🥗既顏色幾有心思👍🏻 有幾濃既蛋香🥚，用左蛋黃醬🟡更加香甜creamy，配埋清新爽脆既生菜🥬 不過呢個選擇喺出面十幾二十蚊已經有兩大件，感覺就太普通
Tuna & shrimp sandwich 🐟🦐🥪 (好味指數：😍😍😍😍)
吞拿魚🐟係常見既三文治🥪配搭，鮮味嫩滑，而且味道酸酸甜甜幾開胃，配埋爽口彈牙既蝦肉🍤口感豐富啲，而今次既包係用麥包🌾🍞，但一樣軟熟又唔會好乾，味道唔錯～ 如果餡可以再多啲就更加好啦～
Kkday package: $3102 per 2 ppl
好味指數：😍😍😍😍
推介指數：😍😍😍😍
Post
