Hainan Restaurant

兩個茶餐跟熱飲，炒貴刁同西多士，飲熱奶茶同熱杏仁霜。

多士暖暖地，溶左牛油，糖漿自己按量斟。
餡係食到果醬同花生醬味。

貴刁炒得幾好，係淡左少少。食到兩粒蝦，份量係夠飽既。

茶餐既意粉同飯，見人地枱食，都幾大碟。

早餐既選項同價錢都OK。

粉麵飯意粉烏冬都有。

野飲都多選擇。

免加一，茶餐除開，人均三四十蚊。

見有些食評寫服務態度差，我自己感受就覺得一般，無特別好或特別劣。可能係繁忙時間，客多做唔切，心急語氣無咁溫柔呱。

有一點值得讚賞係，收銀位置除左入門口量體溫外，仲有紙袋供食客入口罩用，算係幾貼心。