六樓後座冰室 (Closed)

下午同屋企人一齊行過九龍灣得寶花園，見到呢間冰室，話自已試緊業，所以就擔粗粗走入去試下。入到去叫咗一份雞翼薯條同埋一份雞脾薯條，一杯熱檸茶同埋一杯熱奶茶攞走，等候時間大約十至十五分鐘，尚可接受啦！至於食物嘅味道，就真係見人見智，雞脾同雞翼嘅味道偏鹹，但炸得都吾錯，薯條就一般般。服務態度黎講，我覺得都可以接受，老闆都幾有熟誠，會同客講下野，亦都會主動教其他店員落單。整體來說，呢間餐廳我應該會再去，但如果用差不多嘅價錢同位置嘅話，我諗我會去附近嘅明輝茶餐廳，味道差吾多，價錢差吾多，仲多份十幾年同班街坊累積返黎嘅人情味！