今次嗌咗一個嫩雞煨麵同埋小籠包，餐牌寫下晝兩點至五點半order，可送豆漿一杯。
首先呢個嫩雞煨麵有啲小棠菜、雞粒同冬菇，雞粒份量比較少，另外個麵就比較淋同漲咗d，食個陣唔係好洗咬就可以吞，食唔到麵原有既質感，至於個湯就比較杰身，同埋有少少漿住既感覺，似係平時淥麵同個湯一齊煮時冇過冷河個種texture。
另外呢個小籠包，叫嘅時候係即刻蒸完送上枱，個皮都夠實，唔會一夾即刻穿，小籠包入面都有湯汁，但入口覺得啲肉比較鞋，變左成個包口感好似爭少少唔係好夾咁。
仲有個蒸籠旁邊有塊唔知係咪皮嘅嘢，唔知佢之前洗唔乾淨定點，感覺有啲嘔心😥
