✨羊肚菌燉螺頭
燉湯非常足料，菇菌味好濃郁，就連螺頭都燉到淋哂。亦都有烏雞湯、黃皮燉鮑魚、黃皮燉角螺，夠正氣又唔會過於進補。
✨酸菜龍蠆
一般都係用海鱸魚片，但餐廳揀用龍躉成件事即刻高級咗，魚肉厚身、滑捋捋而且啖啖肉，底部嘅粉絲同萵筍亦好夠份量，辣都唔算好重，值得一試。
✨豆漿蟹肉番薯葉苗
冇乜餐廳有得食番薯葉，就連自己屋企都會嫌佢污糟唔想洗。用咗豆漿做底，成個感覺超清甜，加上一絲絲嘅蟹肉，絕對係健康之選。
✨點心系列
老香櫞雪山包、鳳梨雀仔、金魚戲水、黑蒜蝦肉燒賣、粉紅佳人。餐廳以手工點心為名，樣樣都睇得又食得！好似個鳳梨雀仔仲包埋個金絲雀籠，打卡一流，食落去鳳梨餡料酸甜開胃；金魚又係設計感十足，外型係漸層嘅水晶皮，入口蝦肉彈牙；粉紅佳人裏面蘊含住龍蝦肉，咬落去仲爆曬湯汁，重點係11月呢款點心都只係$11，超級超級高質！記住要問餐廳攞埋辣椒油，超級香口～～
✨XO醬蝦腸粉
色香味俱全，腸粉滑嫩，XO醬落得一啲都唔吝嗇，整體炒得非常入味，加上韭菜同肥大芽菜，口感更佳！！唯一係個底部比較重油份～
✨潮汕豆腐魚煎蠔烙
食潮州菜又點可以冇蠔餅呢！！餐廳炸得金黃薄脆，蠔肉飽滿，最重要係加咗九肚魚，令到成碟菜式更加鮮甜，幼骨亦都唔太影響進食～
✨新鮮黃皮油柑汁
真係新鮮嘅味道，黃皮嘅清香加上油甘汁嘅輕微苦澀，真係冇乜地方飲到！！！
8
1
