刀削麵份量唔算多，麵質普通，無咩咬口，欠缺𡁻頭；豬頸肉有4片，味道正常；湯底普通，無咩特色。另外麵食會送煎蛋一隻。
小食跟梅菜花生，梅菜偏咸，花生爽口。
寶字號蕃茄雞蛋刀削麵（$46）
雖然用新鮮蕃茄，有茄蓉，但蕃茄湯底唔算太濃厚，偏清淡；炒蛋一份，再加送的一隻煎蛋。
小食跟紅油腐竹，腐竹軟實有口感，但無咩豆味，唔夠辣自己再加辣椒油。
超值三寶（$53）
肉夾饃，饃餅即烤，厚實，外層微脆；肉絲味帶咸，肉質偏嫩，整體味道可以。
醬骨架，一件大大舊，味道同肉夾饃嘅肉一樣，味帶咸，肉質嫩，味道可以。
桂花雪梨，咁多樣嘢，個人覺得最好食係呢樣，冷食清甜爽口，咁熱嘅天氣好適合。
老實講，刀削麵唔夠「山西」好食，醬骨架唔夠「入麵」好味，好難會再去幫襯。但如果係荃灣街坊，下午茶餐嚟講都算抵食的。
8
8
17
19
