美味小鮮肉 (Closed)

今日下午茶時間黎呢度叫左碗豬肉餅加墨魚丸米線（$35）。印象最難忘的是，服務真系好好，真系一流，裡面的人好親切，好友善同有禮貌，會埋黎你張枱介紹有咩好食，同點食法。上菜等的時間唔長，唔使等好耐就有得食啦。碗米線好清，但是好足料，大大碗，多多米線，其實幾抵同飽肚。可以隨便叫加多d薑蔥配料，仲可以加菜，岩曬中意清啖同健康的朋友。其實呢間餐廳仲有得打邊爐，米線同火鍋都算是他們的賣點，主打潮州野，而且價錢都算唔貴，合理。我見其他人如果打邊爐，都好足料，而且有專人服務。大家下次如果行過都推介大家入去試下！