塚田農場 (Closed)

下午茶時間在沙田市中心揾嘢食，商場大部份都連鎖餐廳，中西日乜都齊。隨心睇下想食乜就行入去啦～ 黎到餐廳門口，因為好想知喺份量上下午茶同午餐會唔會差好遠，職員都細心講解，所以就入左去食。下午茶份量的丼同午餐只係相差少許，所以未食lunch 的小妹希望夠飽。帶著長輩去食，所以有熟嘢揀好緊要，於是點左鰻魚玉子丼 同 我點左三文魚牛油果丼。丼的份量唔細，碗夠深，鰻魚玉子丼，飯質軟香、玉子正常而鰻魚亦有四五件，飯有少許鰻魚汁，芥末係高級少少，唔係平價自助壽司好似泥膠嗰種，唔太辣但香。而三文魚牛油果丼，牛油果有約四分一個，切成薄片，而三文魚火炙至半熟，帶有油香。撈埋醬油級芥末一齊食十分滋味。