下午茶時間，見未食過，又遇著個阿姐勁有心拉客，人流都正常，就入去試吓。一坐低，開放式廚房傳來陣陣篷篷聲，估唔到係商場餐廳，仲到開放式可以聽到梗嘅炒嘢聲。
除下午茶外，午餐、常餐都有，香港人就係鐘意常餐，好多枱都食。想睇午餐份量幾多一直唔見，十幾蚊多碗湯又未有興趣，下午茶時間都係食下午茶。
餐飲無特別，夠味，但開得幾個月，隻杯唔洗梗缺呀？喲角。
和風雞粒炒飯，份量唔算多，色上得靚，粒粉分明，一放低就聞到香味，雞粒唔會太老，夠味。
日式雜菜炒烏冬，同樣係炒，都要睇啲配件得唔得，烏冬係可以，味道都得，但啲菜想點？大舊成梗我係廚都炒唔掂，唔好話入味，都未熟。
1
其實食物質素唔差，海報見到都好吸引，係細節位無跟足，改善返相信客量可以增加。
