，佢就建議細佬喺附近o既「Espuma」坐一坐，等佢同媽咪趕黎食咗少少野後先一齊行返屋企。
1
1
下午茶時間，食店人客不多，用餐大堂感覺闊落通爽。（因拍照時眼睛未回復正常狀態，部份相片明顯對焦出錯
，還望見諒。）
1
三口子可任意入座窗邊o既厚墊梳化卡位。大家要小心，因卡位可轉動，後面座位o既食客一有郁動，前方都會感受得到
。
1
桌上擺有兩頁o既特色飲品餐牌，很是吸引
。
1
1
媽咪因有少許胃痛，唔想飲茶或咖啡，所以就點咗碗熱蘑菇湯飲。
1
小肥同哥哥就分咗個二人下午茶餐「e-House Tea Set」（$228/兩位）。
1
跟餐有兩杯指定飲品，如果想點飲背頁o既特飲則要另加$15。
1
哥哥要咗杯「熱綠茶」。
1
XO仔就升級要咗杯壺「熱蜜桃柚子茉莉茶」。
1
內含蜜桃果肉o既茉莉茶芳香清甜，暖手醒胃，極之怡人。
1
喝畢，三層高o既透明錦盒即呈現眼前，頂層噴出白煙，實物遠比餐牌上o既圖片吸睛
。
1
1
1
煙霧散去後，我地就先向頂格o既咸點凍湯埋手。
2
1
蕃茄濃湯配脆煙肉：蕃茄濃湯酸甜醒神，可惜入面塊煙肉過韌同嚡，組合唔係咁得。
1
雜菌彩椒牛油撻：撻品不但冇乜牛油香，雜菌彩椒更加係淡而無味
，失敗也！
1
自家製紅菜頭牛肉漢堡及自家製綠茶牛肉漢堡：兩件紅綠迷你漢堡包包身一樣鬆軟，中間層芝士牛肉亦香濃爽潤，係成盒下午茶最美味o既一環
。
1
1
食完咸點就輪到中間層甜點。
1
香橙慕斯奧利奧餅：香橙慕斯加奧利奧餅依個配搭其實唔錯，個人只係略嫌球香橙慕斯唔夠香濃軟滑，如果可換上橙味雪糕效果可能會更好。
1
焦糖布丁撻：流心o既布丁撻撻皮夠脆夠香口，不過個流心焦糖布丁o既甜味好似過火咗少少。
1
法式牛油瑪德蓮：瑪德蓮又乾又嚡
，不甚討好！
1
柑橘迷你蛋糕：雖則底層件迷你蛋糕同瑪德蓮一樣乾嚡，幸好糕面兩件橙黃色o既柑橘清甜多汁，為糕點生色不少。
1
紅莓鬆餅配鮮忌廉及果醬：小肥最怕食鬆餅，所以就留返黎孝敬靚靚媽咪，不過見佢食到面容失色
，估計都唔係咁掂。
1
伯爵茶奶凍：最後食o既伯爵茶奶凍雖外表平庸，但入口卻茶味幽香，輕巧潤滑，叫做有啲意外驚喜:)。
1
埋單時，多得哥哥仔提點方才留意到原來憑單再次幫襯即可享八五折優惠
。
1
室內開揚o既「Espuma」下午茶套餐雖外觀精美，但當中只有兩件紅綠迷你漢堡包稱得上為味佳之作，其餘小點均屬普通貨色，似乎師傅真係要下多點功夫先可吸引更多食客。
