越北牛肉粉專門店

Open Now

Now Closed

50幾蚊一個下午茶份量同午市晚市一樣，仲要包一杯熱飲性價比都算高！嗌咗份招牌手切牛柳湯河粉、四寶米飯，然後兩個都用咗優惠價加配小食包括有酸辣鳳爪同埋大頭蝦膏炒通菜先講河粉，湯底唔會太鹹，河粉幼滑，手切牛柳真係好腍，而且有用黑椒預先調味，份量適中。四寶包括香茅豬扒、扎肉、香茅雞翼、蛋餅，香茅做得唔錯，唔會太油，而且有少少酥脆感，米飯都幾大兜。酸辣鳳爪好食，通菜都算大碟不過就略嫌有少少油。免費飲品除咗一般嘅奶茶檸水之外，亦都有柑桔水同埋老姜蜜，符合越南特色。老公叫咗杯越南椰汁冰咖啡，加購價$8，幾抵飲