Siam Noodles (Lan Fong Road) (Closed)

冇得去泰國，食住泰國嘢懷緬下先， 好掛住泰國嘅陽光與海灘。
第一次嚟， 座位都好寬敞，三點嚟到，冇乜人。
我哋兩人叫咗兩份下午茶加小食。
肥牛冬蔭功湯薯粉

好味，牛肉出嚟仲有啲紅，放曬落湯底之後熟曬，牛肉煮得啱啱好。湯都夠酸微辣，唔食辣嘅朋友應該都食到。
黑豚肉冬蔭功湯黃麵

冬蔭功湯裏面有青口，蝦， 秋葵，秀珍菇，蟹柳。48蚊，真係抵食。
我哋再叫咗個半價小食炸雞翼

一般，冇咩特別，都好好食。

加五蚊就可以叫罐裝汽水。 下次會再嚟食其他食品。