台灣美食 (Closed)

琴日下午4pm喺太子始創，肚餓於是整個下午茶。門口有牌寫下午茶餐牌，$33起步，算係抵食，話晒都係旺角嘛。我揀咗肉燥飯配小食，其實可以選任何3樣，我唔記得全部。我揀咗蝦捲，炸蕃薯，同埋台式香腸。肉燥飯都係淋d汁上去，唔難食不過唔係我要嘅台式肉燥，而依d情況通常汁係唔夠我食，哈哈！小食就好ok，即叫即做，唔係凍冰冰。飲品要咗薑茶，好淡，應該係沖粉，唔好叫。整體$33，有飯有飲品，我覺得合格同合理啦。四星。