牛天宮

Open Now

Now Closed

之前六両三的原址換招牌就是現在的牛天宮，望餐牌有沙爹湯麵，蕃茄湯麵/湯飯以及大碗飯。麵食可選日式拉麵，出前一丁以及台灣幼麵。① 沙爹肥牛拉麵 $28正價$62，午市$65送飲品，下午茶原本$52，推廣價$28唔包飲品，但可加$10加配，真係好抵！碗麵賣相唔錯，一放低就聞到好香沙爹味！可惜拉麵唔太掛湯，而肥牛有筋有少少韌，但我最後差唔多飲晒碗湯。.而加配的無糖白桃烏龍，淡淡清香都唔錯，而且飲品原本是存放在雪櫃，無加冰唔怕溝淡。.下午茶性價比高，唔知其他時段份量會否多一點。但我下次應該會選擇其他配料。