Cafe 308 (Closed)

已經唔知第幾次黎308 ...第一次黎都係因為媽咪想食沙律菜，偏偏上水區有沙律菜既下午茶...黎黎去去都只有pizza hut同 delifrance。308呢到d坐位幾闊落，有時帶埋妹妹黎放bb車都唔會太阻人。試過一次之後，每逄放假一定會同媽咪一齊黎呢到食下午茶。因為媽咪已經愛上呢到o既花茶同沙律菜。雖然仲未有機會試呢到既晚餐，不過下午茶的話一定係價廉物美，$27-40已經有一份夠女仔當正餐已份量。其實自己以前都係做西餐，係街食西餐已經有一定既要求，好彩308連下午茶o既賣相都非常精緻...味道都有90分，咁抵o既價錢可以食到色香味俱全既下午茶，真係值回票價。不得不提呢到位經理非常之好，因為黎幾次佢已經記得我飲乜...個次我真係呆一呆，我無記錯的話當時我只係見過佢3-4次，而且其他侍應既service都好nice，好有禮貌。