炯記手撕雞 (汝州街) (Closed)

醬皇叉燒撈麵下午茶時段: $40 /其他時段: $52，唔知份量有無分別，但下午茶碟叉燒都好多件，朋友柯打肥叉真係夠晒肥！而撈麵係「招牌太子鵝油撈麵」，幾香幾彈牙，我鍾意！下午茶40蚊送埋碗唔係味精湯既例湯，都真係幾抵食。海蜇手撕雞腸粉 $48 腸粉同海蜇手撕雞根本係兩件事，完全夾唔埋！腸粉算滑但唔特別，有甜醬，麻醬同芝麻，不過就無乜豉油。至於海蜇手撕雞，有麻油香味，海蜇夠爽口，但一樣唔算特別，呢碟就真係唔抵食。