今日4:30去到，想不到小菜五點前下單，都有八五折，非常抵食。
大大本菜單圖文並茂，價錢清晰。
套餐好似冇八五折。
椒鹽白飯魚$98
大碟，偏乾，味道不錯，略嫌粉漿稍厚。
唇舌飄香水煮魚（小辣）$198
份量很大，除了薄薄的魚片，底料還有薯粉、萵筍、金菇、木耳。
魚片切得非常薄身，有韌度，爽口，雖然叫了小辣，但感覺還是頗辣的。
啫啫芥蘭煲$88
這個很驚喜，上枱時熱辣辣，芥蘭爽脆，配上味道濃烈的鹹魚醬，非常香口。
兩人埋單八五折後$334 ，價錢唔算貴，特別水煮魚非常大份，大大杯珍寶檸檬茶下午茶只需加$8 ，但份量非常大，足夠兩個人飲用。
特別一提，侍應姐姐們服務都非常周到，夠細心。
果然係人氣街坊食肆，份量大，味道足，如果趕得及下午茶八五折更加抵食。
