銳記茶餐廳

XO醬雞翼炒公仔麵

一直無機會試炒通粉....''

奶茶OKAY

最初對呢間舖頭有印像係因為佢個任拎的出前一丁麻油，之後因為夜晚晌灣仔上堂，所以偶爾都會黎食。雖然作為茶餐廳，佢個早餐真係麻麻地（沙爹牛唔係好掂），不過佢地個炒公仔麵真係幾得。乾身之餘，個汁既咸度同甜度十分適中。最重要係佢個下午茶餐三十幾蚊，有四隻炸到香脆既雞翼仲有兩個公仔麵底就真係好抵食囉。除左公仔麵之外，下午茶餐仲有好多野炒野食，最重要係晌條無乜人既橫街入面，靜靜地嘆下午茶就最正。