阿荔麵檔

Open Now

Now Closed

放暑假嗰陣，同小朋友去咗杏花新城玩。行到肚餓，見有下午茶優惠就入嚟試下佢哋個車仔麵，2餸$36蚊，都平！人唔多，餐廳都係開放式嘅。仲有打卡牆，舊香港懷舊Style，我都係因為咁，所以想試下。我哋2大2小，所以叫咗3碗粉。我貪心少少，叫咗3餸，牛柏葉、水魷、炸厚切15mm午餐肉。揀咗魔鬼辣汁，好香好惹味，推介呀！個炸午餐肉都好邪惡，好鬼正！小朋友就牛腩汁嘅米線，瑞士汁雞翼、日本溏心蛋。雞翼好入味，好滑。另外第3碗係黑蒜油撈丁，瑞士汁雞翼+五花腩，肉好淋，又係勁入味！凍檸茶正常發揮啦。下次過開嚟，都會再食佢。