小肥羊 (Closed)

星期三一行四人去下午茶任點任食點心，聽講好抵食，又好味，想黎好耐，今日終於成事。一開始就點左好多野食，不過等左幾個字，跟住就黎得好快，最後擺到成檯都係，好豐富，食都食唔切。因為太多款點心，有D 又差唔多咁，都唔太記得食過咩，只記得一部分。必叫：蝦餃、海蜇頭、蝦腸、XO醬蘿蔔糕、流沙包、海鮮盒可以叫：馬拉糕、豬肚、粉皮、春卷、煎薄餅可以不試：羊肉包、蘿蔔絲湯餃、羊肉餡餅另外又叫左炒米粉同河粉，都幾大碟，不過臨尾實在好飽，後悔叫左兩碟添。整體上黎講點心比較油，特別係蘿蔔糕，但又真係好好食，每款點心都好足料，可能係我唔太識食，覺得幾款餃都差唔多咁，所以下次唔使叫咁多款。服務方面，就算咁多人落單都唔混亂，幾乎冇走單，送點心黎果D 阿姐都幾好。食完飽到夜晚，其實都幾抵食，可以一次食到咁多點心，下次會再黎過。