Video
Read full review
2011-12-15
229 views
平日番工鬼咁攰，weekend可以去歎個下午茶，仲要係任食嗰隻，真係超happy。之前睇食評知道呢度有任食點心，其實想試好耐，今日嚟開荃灣，於是順道一試。任食點心下晏2點開始，去到攞位，見到reception個態度，就知佢哋做嘢一定係好辛苦。咁啱有個客問佢茶錢details，佢態度差事少，啤客都係第一次見。好彩今日心情靚，所以都頂得住。可能抵食嘅關係，所以雖然呢度環境差啲、衛生差啲、服務又差啲，但都有好多食客幫襯。成場差唔多full咁滯，啲枱仲擺埋出走廊。不過算啦，都係食最緊要。睇睇張點心紙，e…原來得好少選擇，連腸粉都冇。冇辦法，自己揀嘅。雖然係咁，亦無損我食嘅心情，一於照嗌 XP都等咗陣，啲嘢食終於陸陸續續咁嚟喇：湯：老火湯：味道ok，唔似味精湯，但唔熱酸辣湯：好明顯係粉+水，都係唔熱炸物：金勾咸水角：熱同脆，但皮較硬同料較少酸甜炸雲吞：好脆，仲有隻蝦，點啲sauce，好食芋絲炸春卷：唔夠鬆脆，可能已炸起咗一陣，裡面有啲芋頭同少少肉，一般啦點心：終於有新鮮熱辣嘅嘢食喇，點心全部即叫即蒸，所以好食好多。豉汁蒸鳳爪：醬汁味濃、鳳爪夠淋而且好入味常滿蝦餃皇：雖然擺位有怪怪，但蝦夠新鮮，皮
之前睇食評知道呢度有任食點心，其實想試好耐，今日嚟開荃灣，於是順道一試。
任食點心下晏2點開始，去到攞位，見到reception個態度，就知佢哋做嘢一定係好辛苦。咁啱有個客問佢茶錢details，佢態度差事少，啤客都係第一次見。好彩今日心情靚，所以都頂得住。
可能抵食嘅關係，所以雖然呢度環境差啲、衛生差啲、服務又差啲，但都有好多食客幫襯。成場差唔多full咁滯，啲枱仲擺埋出走廊。
不過算啦，都係食最緊要。睇睇張點心紙，e…原來得好少選擇，連腸粉都冇。冇辦法，自己揀嘅。
雖然係咁，亦無損我食嘅心情，一於照嗌 XP都等咗陣，啲嘢食終於陸陸續續咁嚟喇：
湯：老火湯：味道ok，唔似味精湯，但唔熱
酸辣湯：好明顯係粉+水，都係唔熱
炸物：
金勾咸水角：熱同脆，但皮較硬同料較少
酸甜炸雲吞：好脆，仲有隻蝦，點啲sauce，好食
芋絲炸春卷：唔夠鬆脆，可能已炸起咗一陣，裡面有啲芋頭同少少肉，一般啦
點心：終於有新鮮熱辣嘅嘢食喇，點心全部即叫即蒸，所以好食好多。
豉汁蒸鳳爪：醬汁味濃、鳳爪夠淋而且好入味
常滿蝦餃皇：雖然擺位有怪怪，但蝦夠新鮮，皮亦唔太厚
鮮蝦燒賣皇：當然冇成隻蝦喺面，同埋賣相一般，但味道ok鮮竹牛肉球：雖然有啲粉，但我就係鍾意呢種口感。
薑蔥牛柏葉：唔夠入味同有啲“un”怡香茄子炆米：一般，茄子有啲大嚿同埋炒得有啲乾，唔及快餐店嗰啲好食
楊枝甘露：好奶，味道ok嘅，不過唔似平時食開嘅楊枝甘露椰汁馬豆糕/宮庭桂花糕：一般免費甜品嗰種，冇嘜特別
總括嚟講，都係點心最好食，最好先點點心，唔夠飽先order粉麵。
每位$48，連茶芥同加一每人盛惠$60。
Post
