燕萍越南餐廳 (Closed)

尋日五點半去完SOGO，ＨＯＮＥＹ因為早食ＬＵＮＣＨ　所以嗌肚餓。一場黎到ＣＢ，佢提議不如去燕萍啦。咁早去到燕萍當然唔使等位啦。睇下餐牌，咦！！原來有ＳＥＴ喎，小食，主食同埋飲品三樣野加埋都係＄４２蚊。而且種類繁多，冇話限住得幾款食物，即刻點菜！我要左炸蝦餅、炸春卷撈檬同埋椰汁三色冰。ＨＯＮＥＹ要左青檸忌廉同埋咖喱牛腩飯炸軟殼蟹。本來以為份量會好少，點知一Ｄ都唔少，食得我地好飽。不過最失敗就係唔記得睇下有冇牛油雞亦向個ＬＩＳＴ度，下次再食的時間留意下吧。最後要提一提大家，我所講呢個ＳＥＴ係要星期一至五，下午六點前先有架。唔岩時間就要散叫或者食二、三、四人餐喇。