蚊蚊豬老火鍋 (Closed)

鮑魚豬手撈粗麵只係$42，有冇攪錯？仲要包埋凍飲😨，一定要去試一試真定假。呢間餐廳本身係火煱餐廳，但係就係茶餐廳格局，下午都有打邊爐任食，不過都有茶餐廳嘅食物，飯呀常餐乜都有。我叫咗個麵加多$8有個油菜，飲品見到餐牌居然有兒童鴛鴦，即係好立克溝阿華田。個麵真係好大碟，有雲吞譜撈麵兩倍咁多。有兩大舊豬手同埋兩舊鮮鮑魚，我仲懷疑緊究竟係咪真。最值得讚嘅就係個豬手真係問得好淋，我用筷子就已經可以夾開佢兩邊。另外$8嗰碟菜都好大碟，居然仲有三款菜。埋單$50，講個豬手真係做得好好下次可以試佢嗰個蓮藕炆豬手飯，應該都會唔錯。