肥龍拉麵小籠飽上海料理 (Closed)

發現新舖，梗係要試下。肥龍舖唔大，茶餐廳隔局，人多就唔方便。午餐牌之中，手作湯麪配點心($58)可以試到最多嘢。今日試個回鍋肉：個湯麪就清淡咗啲；好在回鍋肉分開上，有面醬味，剛好少少辣釣一釣，每片菜都有沾到醬汁，肉片只有幾片，見到肥膏但唔油，OK！至於點心，因為小龍包有四隻，鍋貼的話只有三隻，牛肉餅的話只有一塊...所以就貪心地揀咗小龍包。個皮略嫌太厚，肉質適中，湯汁味道尚可，不過整體計，性價比OK！同場加映：要杯熱茶叫咗三次。