大瀛喜日本料理 (Closed)

收工特別肚餓，8點半時段去咗旺角《大瀛喜》刷番餐先😋！店舖地方超大，容納嘅客人都比較多，所以不用等位都可以直接入座👍🏻👍🏻！自助區有齊冷盤、甜品、水果和冷熱飲品，杯裝飲品都有👍🏻👍🏻！因為太攰關係🤭所以就QR code 落單，食物好快就送到，至愛點炸物🥰即點即炸，脆卜卜，雞翼外脆內嫩，加埋芝麻超香口！而貴價嘅食材都有，鮑汁扣花膠（煮得好淋）、醉鮑魚（好入味）、海膽手卷(一口一啖夠方便)、黃金開邊蝦（醬汁酸酸甜甜好開胃）、烤扇貝等等．．刺身食幾多點幾多🥰北寄貝、甜蝦、三文魚軟綿口感，肉質肥美！赤蝦大大隻，特別鮮甜！冰鎮花海蜇超爽口！全部都晶瑩剔透👍🏻👍🏻！