✨海鮮種類多，價錢合理。
個menu選擇都算多，又唔係好貴，上菜速度好快，基本上10分鐘左右就有野食。
講下我地嗌左咩先。
🦀避風塘炒蟹
我自問係避風塘炒蟹專家，由3歲就開始跟屋企人搵食！但喱個蟹真係有少少令我失望，隻蟹偏細，啲避風塘粒粒非常硬，我差啲分唔清到底係蟹殼定炸蒜？不過啲蟹殼廚師都一早處理左，唔會話好難開黎食！
🐚豉椒炒蜆
喱個餸啲汁廚師似乎打左個芡，啲蜆好掛汁同出面做法有啲唔同，上菜個時出曬煙，真係新鮮炒既！
🎋腐乳炒通菜
估唔到喱碟菜竟然係我最愛😂啲通菜炒得好爽脆又好有腐乳味，送飯🍚一流👍🏻👍🏻 我仲食緊蟹個時媽咪已經清曬碟菜😂😂
題外話我見同場有客人想食蝦但賣曬，個店員仲走去惠康同街市睇下有無得買😂😂服務真係一流！
總括然而，喱啲咁有人情味既食店都好值得我地支持既✌️
2
11
