18樓雞煲火鍋專門店

Open Now

Now Closed

有一日突然心癮起，想食雞煲同埋打邊爐，朋友就搵到呢間二合一嘅餐廳。先講食物味道，雞煲偏鹹但量多，但雞煲個味係好食嘅，惹味！火鍋個湯底偏淡，望落去麻辣嘅色但係可以再濃味啲。牛肉都唔算韌，比起其他鋪已經唔算肥。丸類正常發揮，芝士丸個餡唔會好空心，都實淨。芝士腸唔係雜牌腸，係金妹嗰隻，幾好。水餃淨係食咗粟米同菠菜兩款，粟米餃麻麻，菠菜餃好好多，叫中規中矩。蟹子墨魚滑好正，係真係有墨魚味，爽口彈牙，唔會好似食緊擦膠咁。響鈴好大嚿，個shape都幾得意。醬料方面都係大路野，如果有埋麻醬就更好！打完邊爐去試咗雪糕，有朱古力同乳酪揀。乳酪嗰隻食落去真係乳酪，好啱早餐食之餘，飯後食都可以解膩，開返個胃食其他嘢，不錯不錯。服務方面，一入座就有waiter嚟整熱個雞煲，落order之後好快就送到過嚟，又唔會漏單。值得一讚嘅係落單menu大多數都係以一粒/一份為單位，建議可以先試一兩粒，覺得正嘅可以再瘋狂加單，咁就唔使嘥晒啲食物。座位方面，餐廳大多數都係卡位，幾闊落，坐得好舒服。