果酪道中 (Closed)

小清新飲料店！呢間舖頭主打水果加希臘乳酪或者鮮奶，感覺清新得來又有營養。用電話落單就繁複咗啲，冇得就咁打電話落單，要用佢電話頭像QR code上網落單，點知原來珍寶藍莓賣晒，結果店員都係要打電話俾我改單。飲品定價都幾高，不過有限時優惠所以一大班朋友一齊飲就抵啲。濃滑木瓜奶奶$38- 木瓜味道幾香甜，奶味唔重，唔係太濃厚嘅鮮奶。飲低少少會食到一絲絲木瓜果肉，都飽肚。完熟芒果果酪$38- 芒果果酪清新一啲，酸酸地，如果芒果味可以再重啲就更加好。