燒肉LIKE (信德中心)

Open Now

Now Closed

燒肉like係香港都開咗一排，記得之前係沙田諗住想食但好早（6點前）就截咗票，所以一直都無去試。今日行過見到淨係等十張枱左右，咁就試下，都係15分鐘內就有得入座。入座手機掃QR code落單，點完手機比埋錢。我覺得幾好，成件事好自助唔使麻煩到人。 一坐低就見到有好多唔同醬汁俾我哋揀，而對我來講日燒最重要就係啲汁，佢哋咁多選擇真係非常之like啊👍🏼👍🏼👍🏼咁我就叫咗個壽喜燒牛小排套餐(200g)，佢唔會話好食到返唔到轉頭，但cp值真係高。食落都有肉香，但有兩舊特別肥，其他整體油脂分布都平均。有時食晏唔想食牛角咁大陣仗，嚟呢度都唔錯，都叫可以頂下癮。Btw提一提如果帶小朋友食可能要注意下過爐，因為我調到好細火都好啦，都會有火搶上嚟。