Sushi Masa

我最近去咗上環嘅鮨政食晚餐，餐廳環境簡約舒適，以木系裝修為主，感覺幾 relax。師傅就在吧台後面現做，看着就踏實。食物質素真係好高，價錢中上但合理。如果你鍾意食壽司同埋想搵個地方靜靜地享受一餐，呢度係一個好選擇！我叫咗個壽司拼盤，有11款唔同嘅壽司，另外仲有嫩滑嘅厚燒玉子同6件蔥吞拿魚腩細卷。叫得做特上，壽司食材用嘅都係高檔新鮮魚生，好似有大吞拿魚腩、中吞拿魚腩、油甘魚腩、三文魚腩幾款肥美同油香十足嘅魚腩部位。亦有肉質較彈嘅深海池魚同鯛魚、好香炭燒味嘅鰻魚、厚肉帶子、鮮甜creamy嘅海膽、鮮味爆汁嘅三文魚子。而最印象深刻嘅一定係醋鯖魚，師傅加咗少少薑蔥喺面，食落竟然完全冇平時鯖魚會食到嘅腥味。另外，我仲叫咗份白燒鰻魚，魚皮果面燒到好脆，但同時魚肉果面係非常軟熟，分別點鹽、wasabi 或者檸檬汁食，帶出嘅味道又會有d唔同。總之，鮨政真係一試就愛上！無論壽司、刺身定炸物，食材新鮮、質素超高，CP值爆燈！無論打卡影相，定係慢慢享受美食，都一樣滿足～