我哋叫咗幾樣試下：
🍗 烤雞半隻配薯蓉 佢地每一日都有唔同既餐，星期一係烤雞，我地就試下；雞肉香口多汁，烤得啱啱好，外皮微脆，配埋香滑嘅薯蓉同肉汁，好滿足～
評分：👍🏻👍🏻👍🏻/5
🍲 粟米湯 粟米湯初頭睇落麻麻地，但聞落香味濃郁，入口順滑，唔會太鹹，暖笠笠好舒服，有種家常味。
評分：👍🏻👍🏻👍🏻👍🏻/5
🐟 英式炸魚柳配薯條 呢個一定要講！佢哋嘅魚柳可以自由揀魚種，店員推介咗龍躉，真係冇介紹錯。魚肉厚身但唔韌，炸粉薄薄一層，食到外脆內嫩，魚味清甜，好正！而且炸得唔油，食完都唔覺膩。
評分：👍🏻👍🏻👍🏻👍🏻/5
🦪 白酒汁煮鮮蜆 蜆肉飽滿厚實，數量都幾多，白酒汁香氣濃郁，帶少少蒜香，好啱送麵包或者白酒飲。
評分：👍🏻👍🏻👍🏻👍🏻/5
🍫 凍薄荷朱古力，凍朱古力 薄荷味清新但唔會搶味，而凍朱古力就濃郁滑順，甜度啱啱好，為成餐劃上完美句號。
評分：👍🏻👍🏻👍🏻/5
整體嚟講，Fish & Chick真係幾驚喜，炸魚質素高、湯同蜆都唔馬虎，環境舒服，價錢合理。 鍾意炸魚炸雞又想輕鬆食個西餐嘅話，呢度真係一個唔錯嘅選擇～
整體味道指數：😋😋😋😋/5
性價比：💰💰💰💰/5
環境：❤️❤️❤️❤️/5
服務：✅✅✅✅/5
