今天我嘅朋友，佢鍾意食魯菜，帶我去咗一間喺上環靜靜地、好大又靚嘅餐廳🍴我好少食魯菜，估唔到又幾好味喎😎我哋食咗魯味商務套餐$988元/兩位，食咗好多精緻嘅食物，真係食到好飽啊😋
✨魚子醬烤鴨配山東煎餅
推！烤鴨嘅油香超重而且蘇脆，山東煎餅用雜穀做，表面仲印有字，真係好有心思。配上魚子醬有少少鹹香，食到想再食多一嚿🙈
✨蟹對蝦醬非物質遺產饅頭
饅頭外脆內軟，配上蝦肉同蟹粉，真係好夾，食到唔想停！
✨拌白菜絲
呢個雖然幾爽幾好食，但係蒜味超強勁。
✨水晶垛子黃牛肉
同燈影牛肉有異曲同工之妙，牛肉啫喱切得超薄。
✨酸辣花膠烏魚蛋湯
睇落去白雪雪，食落去卻係有啲辣，真係令人驚喜。
✨膠東蔥燒渤海灣帶魚
魚肉鮮嫩，香味四溢。
✨傳統魯味爆三樣
有豬肝、豬肚、豬腰，味道濃郁，唔怕重口味嘅朋友一定會鍾意。
✨ 膠東鍋燒大燴菜
各種時蔬，色香味俱全，係一個完美嘅搭配。
✨膠東海鮮熗鍋面
有蜆肉，拉麵彈牙，有少少似豬骨拉麵幾好食。
✨阿膠絲滑酸奶
食完咁多主食，酸奶啱啱好酸酸地中和油膩感。
