湯煲私房火鍋

雖然香港天氣已經有30幾度，但亦無阻我對火鍋嘅熱愛，呢個星期已經係第二次食火鍋了~ 喺上環見完工火鍋癮又起，上環其實唔多火鍋店，search到呢間新開既樓上火鍋店~以私房菜模式既小店，裝修簡潔，檯子唔多不過都有一間房，人多都可以book。

打邊爐最重要緊係湯底啦！
呢度既特色鍋底都幾吸引，天麻川芎白芷魚頭 煲、 黑蒜姬松茸脊骨湯等，店員介紹因為經多小時餚製，所以可以先飲湯幾碗湯再做湯底~ 不過因為二人用餐最後選了2個比較普通的四川麻辣、沙嗲湯作鴛鴦鍋~

醬料每位$30，除了平時既辣醬、蒜蓉、麻醬等等，仲有自家制蝦蟹醬，加埋白醋味道更香口~

蝦蟹醬

每次火鍋必叫既炸響鈴
今次成為了餐前小吃，未黎湯底前店員先送上並介紹因為師傅即制，熱辣辣的所以唔好浸湯~
用筷子輕輕夾都脆到好似好易碎咁
如其名，一口咬下會發出酥脆的輕響，超級鬆脆香口。

炸響鈴

食完響鈴可以打邊爐啦!!
雖然點左沙嗲拼麻辣湯，感覺兩者都屬於辣既，不過老公想食辛麻，而我偏好沙嗲既香，所以係唔同㗎!!
沙嗲湯帶花生味，香濃惹味，但食完火鍋都無口渴~

幾中意湯勺既設計

點左蘇格蘭安格斯肥牛，同沙嗲湯非常配!
肥牛脂肪呈大理石紋，有咬口亦有牛味，入口鮮甜軟滑。

蘇格蘭安格斯肥牛

牛脷片味鮮肉質柔軟細嫩， 輕灼數秒口感爽甜~

牛脷片

另外最窩心係餐後甜品，以前只係普通糖水，原來係豆腐布甸拼椰絲糯米糍,仲有生果。
布甸香滑有清清嘅豆香，糯米糍仲暖暖地~好有heart~

整體環境服務都唔錯，又唔會一次過黎哂食物!