忙碌嘅上班族，都希望用最快嘅時間食完一個lunch。但食快餐唔等於要頹食，呢間漢堡包外賣店將一道料理一種風味，濃縮成一個漢堡包！
🐮餐廳用料非常講究，全部牛肉都係自家製，採用100%安格斯牛肉，肉質鮮嫩多汁、肉味濃郁，牛肉油花分布均勻，口感細緻🤩麵包有烘過，外面少許香脆，裡面鬆軟，果然連細節位都一絲不苟。
🖤黑松露帶子牛肉漢堡包餐配黑松露醬
(套餐跟薯餅及汽水) $104
原來食burger都可以咁奢華😍餐廳將一道高級菜，濃縮成一個burger。原粒帶子外皮煎香，肉質嫩滑。黑松露醬香味十足，更可襯托出牛肉、帶子嘅香味，必食🥰
💛芥末牛肉漢堡包配特製芥末醬
(套餐跟薯餅及汽水) $68
芥末醬係餐廳特製，保留芥末獨有嘅味道，同時無其他芥末醬咁攻鼻，略為清爽，中和牛肉膩感。
🍗港式生炸雞牌 $28 (套餐+$20薯餅轉雞脾）
外脆內軟，外皮有蜜糖嘅香甜味，雞肉亦保留肉汁，唔太鍾意食肉嘅🐷都推薦👍🏻
🥔薯餅
同樣外脆內軟，口感豐富，食到粒粒薯仔肉，趁熱食最好味。
另可安排到會，詳情請向店員查詢～
