Video
Read full review
2022-08-08
588 views
🚩 Basmati近排睇得多印度嘢食video，成日都心郁郁好想食印度野🙌🏻今日男朋友一放工就即刻同佢過嚟上環試下間印度餐廳🤤〰️〰️〰️〰️〰️〰️〰️〰️〰️〰️〰️〰️〰️〰️〰️🌈Spring Rolls $45印度春卷比我哋平時食開嘅春卷細條，裏面有好多雜菜，新鮮炸起一定無得輸～🌈Pani Puri $88呢個係我最鍾意食嘅印度小食，一開始食嘅時候會驚驚地覺得好怪～但食落接受咗之後簡直係上晒癮，去親印度餐廳都要睇吓有冇依個菜式先會去🤤個球好脆，好新鮮，入面放咗好多薯蓉同肉碎，加埋佢哋嘅薄荷汁酸酸辣辣，好開胃🌈Garlic Naan $26面頭鋪左大量蒜蓉，烤餅有厚度得黎又唔會好難咬，點埋咖喱100分🌈Paratha $34好得意地餅係偏甜，的確勁多層，但冇我想像中咁酥脆！不過佢配埋咖啡好夾，甜辣甜辣咁好正！就算齋食都好香奶味🌈Tandoori Mixed Grill $168一碟就有齊晒想食嘅嘢，咖喱炸魚，兩款醃料嘅烤雞肉同埋羊肉卷🥹佢哋唔係一般用焗爐焗左就算，反而食到浸浸嘅燒烤味，好似去咗大美督咁😆佢哋嘅雞肉有驚喜！一啲都唔鞋，保留左肉汁，兩款唔同醃料都好好食🌈 Chicken Butter Masal
近排睇得多印度嘢食video，成日都心郁郁好想食印度野🙌🏻今日男朋友一放工就即刻同佢過嚟上環試下間印度餐廳🤤
〰️〰️〰️〰️〰️〰️〰️〰️〰️〰️〰️〰️〰️〰️〰️
🌈Spring Rolls $45
印度春卷比我哋平時食開嘅春卷細條，裏面有好多雜菜，新鮮炸起一定無得輸～
🌈Pani Puri $88
呢個係我最鍾意食嘅印度小食，一開始食嘅時候會驚驚地覺得好怪～但食落接受咗之後簡直係上晒癮，去親印度餐廳都要睇吓有冇依個菜式先會去🤤個球好脆，好新鮮，入面放咗好多薯蓉同肉碎，加埋佢哋嘅薄荷汁酸酸辣辣，好開胃
🌈Garlic Naan $26
面頭鋪左大量蒜蓉，烤餅有厚度得黎又唔會好難咬，點埋咖喱100分
🌈Paratha $34
好得意地餅係偏甜，的確勁多層，但冇我想像中咁酥脆！不過佢配埋咖啡好夾，甜辣甜辣咁好正！就算齋食都好香奶味
🌈Tandoori Mixed Grill $168
一碟就有齊晒想食嘅嘢，咖喱炸魚，兩款醃料嘅烤雞肉同埋羊肉卷🥹佢哋唔係一般用焗爐焗左就算，反而食到浸浸嘅燒烤味，好似去咗大美督咁😆佢哋嘅雞肉有驚喜！一啲都唔鞋，保留左肉汁，兩款唔同醃料都好好食
🌈 Chicken Butter Masala $102
雞肉份量好多，咖喱入口好香滑濃郁，稀杰程度都啱啱好，好掛汁
🌈Mojito $58
酒吧必飲嘅Mojito，估唔到嚟到依度都可以飲～呢度飲嘅比我平時飲嘅嘢較綠色，應該係將薄荷葉打埋落梳打水度，好清爽
🌈Mango Lassi $37
呢個可以講係每台都會嗌嘅！酸酸甜甜勁啱夏天飲，芒果味亦都好濃郁，絕對唔係糖漿溝出嚟嘅味道
Post
