Hong Kong Dim Sum❤️ Yum Cha☕️ Traditional x Fusion💫
.
.
點心 除左連鎖大集團/酒家外，點心屋都係一個唔錯既選擇。細細間 唔會係中央處理，人手做既 即叫即蒸巧手點心，仲標榜無味精 份量足 味道當然比較新鮮好味。
呢間位於上環既點心屋，地方不大 但感覺人情味特別濃。食物質素 性價比 亦都不比大型酒樓差，仲有最重要💫 老闆好親切 亦會親身駐場，照顧客人唔同需要 服務真係好貼心呢。
l[周記蝦餃皇 $40]l
l[蟹籽燒賣皇 $38]l
蝦餃`燒賣💛，作為點心代表 總不能少吧。餐廳招牌之一，3粒足3両✨ 份量真係好足。大大粒 好飽滿 爽口彈牙 好滿足。
l[上湯魚肚雲吞 $42]l
唔食得辣 紅油抄手以外既好選擇。 上湯魚肚食得黎 鐘意辣亦可添加桌上既辣辣油 更添惹味。大大粒雲吞 皮薄又滑 餡靚又足，又是滿滿既蝦肉。
l[和風脆皮海鮮腸 $44]l
香滑粉皮包住腐皮卷，彈牙蝦肉🦐 外層口感軟滑 內層鬆脆 層次形成對比，仲有木魚絲紫菜 口感不錯喔。
l[花生炆雞腳 $45]l
雞腳鳳爪🐥 亦係點心之選必點。沒有太特出 但是個人偏好喔。炆得入味 底層仲有好多粒粒花生🥜，炆得夠淋又入味 愈食愈香。
l[老干媽醬炒銀針粉 $52]l
老干媽料理，用上出名既老干媽醬炒 香噴噴。而載食物既盤碗 係用上雲吞皮炸脆而成，有心思得黎 仲可以食埋添。用辣油炒 當然惹味又夠鑊氣喔。
l[蔥花牛肉腸 $30]l
腸粉皮帶煙韌，配上蔥花牛肉🐮 總是很夾。份量亦很足 都是飲茶食點心不能少。
l[椰汁紅豆冰 $26]l
喝膩一般中國茶嗎❓可點選港式特式凍飲品喔。呢度既紅豆冰可配：椰汁/奶茶/咖啡/鴛鴦/阿華田/好立克。不過我就覺得椰汁同紅豆既味道最夾，紅豆又夠淋身 椰奶味又夠重。
呢度點心好多選擇，有傳統點心 又有新派點心 好豐富。係上環行到攰攰地 或者夜晚想飲夜茶❓呢度好近地鐵站出口 幾分鐘路程就到，想來個一盅二件❓都係一個唔錯 有誠意既好選擇。😋🥢
.
.
