#上環新開日式燒肉店
今次係上環搵到間新開嘅燒肉餐廳✨
店內裝潢以木系為主，用餐環境舒適～🥰
⇰午市套餐 𝟷𝟻𝟾
日本宮崎豚肉
薄切鹽燒牛舌
澳洲精選和牛 (+$𝟸𝟾)
美國黑安格斯牛肉 (+$𝟸𝟾)
一個午市套餐可以自選兩款肉類，𝙲𝙿值幾高，
套餐包季節時蔬拼盤、石狩西京魚湯、白飯同雪糕甜品🍧
魚湯好多料，魚肉都幾鮮味，食燒肉前可以醒下胃～
我地揀左兩款唔同既牛肉，牛肉肉質新鮮，
和牛油花重啲食落軟腍𝚓𝚞𝚒𝚌𝚢，而安格斯牛肉則較重牛味。
🐷豚肉好香，肉味濃郁，燒肉焦脆都咬落有肉汁。
而當中最中意既係薄切鹽燒牛舌，雖然叫薄切，
但都有返咁上下厚度，口感有嚼勁，好香牛舌味👅
🥗時蔬拼盤有翠玉瓜、杏鮑菇、京蔥同南瓜，
放左少少鹽調味，杏鮑菇食落仲有甜甜既蔬菜味😋
最後甜品嗌左豆腐同開心果雪糕各一，
個人比較中意豆腐味，質感軟滑唔會太甜，可以解到膩🍧
味道：𝟿/𝟷𝟶
性價比：𝟿/𝟷𝟶
