龍蝦伊麵，蝦肉幾爽彈，有鮮味，好甜好味。個汁同伊麵底就正常，伊麵都幾多。整體好好食。
炒班球，啲魚肉都幾爽彈，好新鮮，味道唔太鹹，啖啖肉好好食。
啲班腩位就古法蒸，即係普通蒸...咁啲肉都幾滑滑，好鮮甜。豉油都幾好味，唔太鹹甜甜地。
豆苗，就普通豆苗，搖柱汁唔太鹹，普普通通。
炸雞，皮脆卜卜，個胸肉都無乜渣，都易咬到。未算滑滑，但有肉汁，好好食。
魚湯泡飯，呢個真係好好食。魚湯唔太鹹，有魚味但唔腥，有啲炸米脆卜卜好好食。至於海鮮粒都多，而且算彈口，好好食。
至於個燒肉同多春魚真係好難食，成餐飯污點。
其實街坊酒樓都算係咁，係叫多左兩碟難食野，整體都幾好。
