尋日返工放lunch，同同事闖入上環間台式小店
見餐牌個個set都勁抵
$63香菇肉燥蛋飯
-肉燥淋得滿滿一層，香菇粒咬落有嚼勁
鹹香夠味又唔會太油，隻荷包蛋戳開，蛋黃流曬出來
跟餐配無限三堡奶茶，布甸腍滑、珍珠彈牙、仙草夠爽，奶茶茶味重又唔甜膩
$79台式沙茶肥牛撈烏龍麵
-肥牛多到蓋住成碗麵！沙茶醬夠濃郁
帶少少鹹香同牛油味，拌勻後每條烏龍麵都掛滿醬
跟餐小食鹽酥雞外皮脆卜卜，肉汁又多，唔會覺得乾！
配埋葡萄柚綠茶，茶底清新咬到粒粒葡萄柚，解膩又醒神
$84和風甘辛咖喱牛肉撈烏龍麵
-咖喱味勁香！辣度岩岩好，帶少少辛香又唔會嗆
肥牛撈咖喱再拌埋烏龍麵食，每一啖都好過癮
跟餐小食甜不辣外脆內軟
配既鮮奶麻糬奶茶，奶味濃郁，麻糬Q彈
$73和風甘辛咖喱芝士漢堡扒蛋飯
-漢堡扒厚身又juicy！咬落有肉汁爆出嚟
芝士融晒喺裡面，鹹香帶少少芝士味，超邪惡！
配埋台式蒜味小香腸，腸仔脆口，蒜香味夠濃
仲有杯鴨屎香檸檬茶 茶底夠香，檸檬味清新解膩又下飯
呢間店性價比超高，餸多飯足，飲品又好飲
lunch時段坐滿打工仔真係有原因！
