Video
Read full review
2024-03-22
98 views
Relieve•稍息Bookmark左差唔多半年嘅日式咖啡店，今日出開港島終於過黎試下！店舖走懷舊昭和風，裝修簡約舒適，仲有個tatami area，打卡一流！壽喜燒汁慢煮牛柳包括了蜆肉海帶湯、茶碗蒸、漬物，牛柳生熟程度剛好，略帶粉嫩且牛味濃，飯就係已經調過味，有少少似偏甜嘅risotto，撈埋生雞蛋同壽喜汁一齊食好豐富！溫泉蛋三色冷烏冬有蟹肉、蟹棒同三文魚籽，份量夠大而且勁足料，蟹嘅甜味配上溫泉蛋同胡麻醬成件事好夾，而且呢個天氣食冷烏冬好舒服🤍伯爵茶巴斯克蛋糕茶味極濃，帶有茶葉顆粒，蛋糕偏半熟流心狀，蛋同芝士味夠香濃，蛋糕面夠焦香硬身形成對比，口感更有層次🤍開心果latte自己一向都好鐘意開心果，見到呢度有就試下，原本會以為好似matcha latte咁嘅色，黎到嘅時候顏色偏淺綠，反而我覺得仲正常唔似加過色素，味道係超香濃嘅開心果味，唔會好甜，杯底飲得出堅果粒，好新鮮🤭昭和富士山點呢個應該係打卡多於味道😆波子汽水+梳打，穩穩陣陣嘅一杯飲品🤍- 壽喜燒汁慢煮牛柳- 溫泉蛋三色冷烏冬- 伯爵茶巴斯克蛋糕- 昭和富士山- Pistachio latte
Bookmark左差唔多半年嘅日式咖啡店，今日出開港島終於過黎試下！店舖走懷舊昭和風，裝修簡約舒適，仲有個tatami area，打卡一流！
壽喜燒汁慢煮牛柳
包括了蜆肉海帶湯、茶碗蒸、漬物，牛柳生熟程度剛好，略帶粉嫩且牛味濃，飯就係已經調過味，有少少似偏甜嘅risotto，撈埋生雞蛋同壽喜汁一齊食好豐富！
溫泉蛋三色冷烏冬
有蟹肉、蟹棒同三文魚籽，份量夠大而且勁足料，蟹嘅甜味配上溫泉蛋同胡麻醬成件事好夾，而且呢個天氣食冷烏冬好舒服🤍
伯爵茶巴斯克蛋糕
茶味極濃，帶有茶葉顆粒，蛋糕偏半熟流心狀，蛋同芝士味夠香濃，蛋糕面夠焦香硬身形成對比，口感更有層次🤍
開心果latte
自己一向都好鐘意開心果，見到呢度有就試下，原本會以為好似matcha latte咁嘅色，黎到嘅時候顏色偏淺綠，反而我覺得仲正常唔似加過色素，味道係超香濃嘅開心果味，唔會好甜，杯底飲得出堅果粒，好新鮮🤭
昭和富士山
點呢個應該係打卡多於味道😆波子汽水+梳打，穩穩陣陣嘅一杯飲品🤍
- 壽喜燒汁慢煮牛柳
- 溫泉蛋三色冷烏冬
- 伯爵茶巴斯克蛋糕
- 昭和富士山
- Pistachio latte
Post
