Te Quiero Mucho (Closed)

自己一個午餐，想舒服坐耐啲hea下。搵到一個新大愛。餐廳環境好舒服。十二點三四去到基本上無人，到十二點半一點都係六七成滿，絕對無壓力要埋單定點。佢有daily special既main course係有特價既,不過我覺得two three course好似開心好多！唔算平，不過連埋環境又抵番既！頭盤要左個牛既toastada。牛既質感幾好，不過佢唔似一般墨西哥餐既味咁濃同豐富。有啲西餐fusion感覺，不過都係好食既。野飲要左佢推介既西瓜flavored water。我平時唔飲有氣既野，竟然又覺得ok。絕對唔甜，唔係果汁味，而係好淡西瓜味既水。雖然taco同toastada好似，不過真係好想試。佢一個係牛舌，肉質好腍好好味，不過偏淡味的。另一個係豬，好鍾意！微微辣，終於有墨西哥野既感覺。最後食左個炸魚，少少油同略嫌多沙律醬定唔知千島醬，不過都唔錯！香港既墨西哥野本身就唔平。在上環有個食物唔錯，人少又唔算勁貴既地方都令人幾開心。