謝謝儂 (V City) (Closed)

今晚去左屯門v city 新開嘅上海餐廳謝謝儂食飯，最近好多商場人流都唔多，好多餐廳都唔洗等位，所以一黎到就已經可以入座喇。我地散叫左餐牌嘅小菜，第一樣黎到嘅係我平時好鍾意食嘅醉雞，以前菜黎講份量算好多喇，而且酒味香濃，算抵食！第二樣前菜係雞絲粉皮，開胃醒神食得上海野當然唔少得小籠包啦！呢度除左有普通小籠包，仲有蟹粉小籠包添架，我咁識食，當然要試蟹粉啦✌🏻好多汁， 如果蟹粉再多啲就正喇跟住黎到主菜喇，我地叫左蒜香牛柳粒，好惹味呀，份量都算多，配白飯食一流！最後，甜品環節，我地叫左香蕉🍌高力豆沙，又係上海菜必食之選，因為自己好難整到，呢個入面真係有香蕉架！