小籠家族 (Closed)

小籠包，小生煎包，突然好想食，平時覺得上海野，認真貴，但見到人地講佐敦小籠家族，價錢親民，仲有團購現金卷，$38買到$50現金卷，一於試下。小籠家族，裝修獨特，以木製傢俬木色為主，鋪面搶眼，店入面座位寬敞。天氣稍為轉涼，感覺冷氣太大，向店員反映後，二話不說將最近的冷氣關掉，真貼心。同朋友兩點零先到小籠家族，都係午餐餐牌，價錢親民。麵餐有野飲，有小食。另外仲有d 小菜餐都唔貴，但我想食多d 小籠包，所以我地兩個人嗌左一個擔擔面餐，兩粒生煎包。面湯濃郁，生煎包皮脆，肉饀多。再嗌兩籠小籠包，皮簿饀靚，一咬落去內面啲肉汁湯汁擠哂出黎，正。另外又嗌左但原隻蝦鍋貼，賣相都幾得意，同叫左豆沙鍋餅，餅肉滿滿豆沙蓉。始終都係鐘食香口野。好抵，食左甘多野兩人都係用左$152。