上海老家 (Closed)

今晚放工諗住同男朋友落樓下是但搵啲野食，行經過呢間，發現好耐無食上海野🤩之前同男朋友食過幾次，不過因為疫症，所以之前幾次都只係叫外賣，今晚終於第一次堂食。店員好主動行過黎同我地講，可以上餐廳社交平台 like and share，就可以有一個晚市優惠，而今晚就係蟲草花膠雞湯。蟲草花膠雞湯，唔好睇佢個盅好細，入邊其實超足料，有好多蟲草花，仲有花膠同埋雞腳，個湯好補。脆皮素鵝，餡料有冬菇甘筍冬筍絲，即叫即炸，熱辣辣仲脆脆地，配埋甘筍同冬筍嘅爽口感，簡直一流！黑醋小排骨，酸酸甜甜咁好開胃，排骨有預先半煎炸，咬落好脆口。上海炒年糕，呢個係我食上海菜必點，年糕口感煙銀，配料都好多，味道岩岩好，唔會太過鹹。呢度位置都好寬敞，下次再食應該都會選擇堂食。