尚小館 (Closed)

今日放lunch，長沙灣lunch 時間係好多人，因為多工業大廈多OL，所以要食飯都要等位，尚小館開既時候就已經想去試下，今日終於有機會叫左醉雞脾菜飯，講左個飯先，菜多，咸度就有d 唔平均，第一啖好咸，但下面就平常返，可以整既時間撈得唔好，但加2蚊轉菜飯真係抵食，除左咸唔平均之外，真心唔錯醉雞，我本人平時都好鐘意食用花雕酒煮既餸，佢既雞肉嫩滑，就算唔係叫雞脾叫例牌都唔會只係得骨，真係有肉食肉入晒花雕酒味，好香好濃，好入味，午市黎講價錢合埋，飯既份量多，一個人食都好飽，另外再送豆漿，perfect另外叫左拍青瓜，佢唔係平時我地食開用黑醋整，佢係辣辣地，香口但唔夠入味。