蒲東小館 (彌敦道) (Closed)

今日和同事放工行經彌敦道，見到一間菜館，皆因係全部落地玻璃，見到人頭湧湧，係食上海菜，因附近沒有這類型的菜館，反正我們都未食晚飯，於是就入去試下。川味水煮牛肉＄98份量真係唔少，喜歡吃辣的，一定鍾意，佢係麻辣嗰一種香濃，肉質滑滑軟腍，牛肉味濃郁，還有多款配菜，爽脆芽菜把麻辣味溝開，令味覺有舒緩口感，滑嘟嘟嘅粗條粉絲，爽口彈牙，加上香蔥嘅配搭，令整體更加完美出色。另一個上海菜特色蟹粉小籠包＄75小籠包裏盛滿濃甜嘅上湯，一顆圓潤豬肉丸，集結著不少蟹粉，瑤柱，肉汁夠豐盛，調味恰到好處。炸饅頭＄28外皮炸得閃閃金黃，好香脆，內心多層次嘅手作，蜜甜軟綿綿，充滿稻麥幽香，優質大廚全出自一雙嘅巧手。每位茶錢＄3健康豆漿$15冷優質嘅黃豆，鮮磨豆漿，豆味濃沃芳香，甜味適中。