豫園 (Moved) New Location

老公成日都話帶我去上海個間豫園食飯，但係講咗咁多年都冇去上海，今日佢同我黎香港豫園找數先啦！有廳房故然寧靜，但坐外面，即使坐滿人都唔覺嘈吵。侍應好勤快，有笑容，亦會和食客有交流。脆皮素鵝，腐皮真係炸到脆卜卜，但入口又唔覺得油膩。酸辣湯下雨天最適合食一啲辣，酸辣湯鹹鹹地又有少辣。砂鍋雲吞雞有雞同埋金華火腿的鹹鮮味道， 雲吞雖然冇蝦，只係一粒肉，但係好入味，雲吞皮比平咗食到薄身雲吞皮厚身一啲，口感不錯。焗釀蟹蓋裏面有蟹肉、蟹膏、蛋白，所有食材連起來就是鮮甜美。豫園惹味豬全骨一隻嫩滑的豬髀，肉質輕易咬開配上黑醋汁。豫園小籠包熱辣辣小籠包包住一口清湯和肉汁豐富的肉粒。龍鬚鮮魚絲可以食到多款唔同部位的魚肉，有一啲魚比較滑身，一啲有口感，一定要配上芫茜同埋芽菜再加少少醋落去食味道一流。無論味道、環境、服務和衛生都係高質，收呢個價錢都係值得。