龍門一番 上海·紫砂燉湯 (Closed)

講啲上海菜大家大多數只會諗起上海小籠包、上海粗炒或者酸辣湯麵，但係原來唔係僅限於此，上海菜都有其他唔同嘅款式，今日就試到幾款好特別嘅餸菜想同大家分享一下。古法燒烤羊腩皮好脆，有綠色嘅薄荷甜酸醬、甜醬同芥茉醬任君選擇。羊腩皮無肥膏，唔會食到成個口油膩。肉又夠腍，唔會有羊果陣騷味。雷沙湯圓啱啱整好，皮好軟，餡係芝麻蓉，重熱辣辣架！芝麻好香，唔會太甜膩。高力豆沙配雪糕雪糕上面唧左d朱古力醬同擺左一粒粒七彩顏色嘅綿花糖，好夢幻呀～高力豆沙好大嚿，好鬆軟，好似疏乎厘。