唔似其他連鎖店 佢只有一間分店
要食就一定要來元朗。
2點左右黎到 好彩唔使好等位黎到就入得
夜晚的話大家就一定要預留時間等位喇
坐低侍應會幫你寫左茶先 之後就可以點菜。
首先來到既係小籠包
皮薄多汁 d皮完全無穿 啜到曬d汁 好滿足！ 之前有睇d飲食報導講佢點整小籠包 愈睇愈想食
1
奶油津白 呢度既奶油好濃好香 一d都唔會稀到變水 加上面頭咸香既乾粒 好味好味！
雞絲粉皮黎得比較遲 哈哈 花生醬都係比較傑身同香濃
最想食既雞煨麵啊 湯係清既麵係腍既 雞比較少不過我都好滿足喇 想食好耐了
仲有個紅油抄手
雲呑係皮同餡緊緊痴埋唔鬆散 皮好薄有肉汁
有濕蒜加乾蒜同蔥係面 d汁有醋同辣油
加埋係酸辣既味道 十分惹味！ 辣味都有點重 但係我仲接受到 好好味
兩個人五樣野平均每人食左二百蚊左右
合理價錢高質素 推介
元旦日捧住個大滿足回家！開心
